ماذا لو [خاص بمملكة shu ]

هلا بحبيب الكل الظبياني, من زمان عنك يا رجال.

بس تصحيح التصحيح, Huang Hao خادم عند الامبراطور - مو وزير.

شكرا > انقلع انت و فلسفتك الزايدة.

هههه و انا وش دراني شنو معنى eunuch بالعربي >_>

Eunuch يعني خادم امبراطوري, الخدم ذولي كان يتم قص اعضاؤهم الذكرية قبل لا يتم تعيينهم في القصر الامبراطوري كخدم عشان يضمن انهم ما يتعدون على نساء الامبراطور. الشغلة هذه مشهورة بالصين و الهند, و بوقت الممالك الثلاث و بسبب الفقر كانت وظيفة معظم الناس ما يمانعونها لانها تعني العمل بالامبراطورية و شغلها اسهل و يكونون علاقات سريعة.


الفقر يسوي بلاوي - الحمد لله على نعمة الاسلام بس.

ادري شنو شغلت ال Eunuch بس توني ادري حتى تصير خادم لأمبراطور لازم تتخلص من اعضائك

فكرت لها مصطلح خاص فيها

بس ناصر عائلات ال Eunuch كانت عائلات غنيه مثل عائلة cao cao

متأكد ان السبب الفقر مو الطموح السياسي او فرصة خدمت الامبراطور بشكل شخصي؟

Shizai كتب:

Eunuch يعني خادم امبراطوري, الخدم ذولي كان يتم قص اعضاؤهم الذكرية قبل لا يتم تعيينهم في القصر الامبراطوري كخدم عشان يضمن انهم ما يتعدون على نساء الامبراطور. الشغلة هذه مشهورة بالصين و الهند, و بوقت الممالك الثلاث و بسبب الفقر كانت وظيفة معظم الناس ما يمانعونها لانها تعني العمل بالامبراطورية و شغلها اسهل و يكونون علاقات سريعة.


الفقر يسوي بلاوي - الحمد لله على نعمة الاسلام بس.

تدري ذكرتني هالشغله في أبوي لما يكون عند الحلال ههههه


لأن البعارين ترا يسون فيهم كذا لما يبونه يصير قليصه يسمون هالحاله (مخصي) عزكم الله


عشان يضمن أنه البعير ما يهيج على المطايا و النوق وقت التسريح


بعدين يصير البعير مال كد لأنه هم يبونه لأنه يتحمل أكثر من الناقه


<<< و الله أن ما طلعت برا بحرقك باي هههه


دمتم بحب



(( تــــــــــحياتــــــــــي ))

Chen Deng كتب:

ادري شنو شغلت ال Eunuch بس توني ادري حتى تصير خادم لأمبراطور لازم تتخلص من اعضائك

فكرت لها مصطلح خاص فيها

بس ناصر عائلات ال Eunuch كانت عائلات غنيه مثل عائلة cao cao

متأكد ان السبب الفقر مو الطموح السياسي او فرصة خدمت الامبراطور بشكل شخصي؟

ابو Cao Cao تاجر و غني, جد Cao Cao هو الي كان من الـ Eunuch و منها صعد و اشتهر و ابنه صار غني من الشي هذا.

و صحيح في البعض ممكن استحب السالفة عشان يقترب من الامبراطور و يكون علاقات بسرعة و يقوي نفسه سياسيا و يؤثر على الامبراطور.

الحين خلنا نرجع لصلب الموضوع , طلعنا بعيد شوي هههه

Shizai كتب:

هلا بحبيب الكل الظبياني, من زمان عنك يا رجال.

بس تصحيح التصحيح, Huang Hao خادم عند الامبراطور - مو وزير.

شكرا > انقلع انت و فلسفتك الزايدة.

هلا بالغالي ناصر والله اني اشتقت للمنتدى وللنقاش معاك اكثر ياطويل العمر والسموحه مقصر حيل هالموضوع

عندي سؤال بس السؤال مب في مكانه وليسمح لي راعي الموضوع

في فيلم نزل عن Guan Yu واللي امثل دور الشخصيه هو الممثل الصيني نفسه اللي مثل في فيلم Ip Man << مادري اذا تعرفه او لا

لقيت في امور ماكنت ادري فيها ! مثل علاقة زوجة Liu Bei مع Guan Yu وايضا دور الامبراطور ان مع Cao Cao

هل اللي في الفيلم في منه ريحه تاريخيه والا كلها خرابيط من راس المؤلف والمخرج ؟ هههههههههه

هلا بك و ان شاء الله المانع خير و شي حلو انك ترد تزورنا بين فترة و فترة. بخصوص الفيلم انا ما شفته لكن اعرف الفلم, اسمه The Last Bladesman. بخصوص العلاقة بين زوجة Liu Bei و Guan Yu, اذا كنت تقصد ان بينهم علاقة حب هذه اول مرة اسمع فيها و الظاهر هي من خيال المخرج. اذا كان بينهم علاقة حماية و شرف و غلو Guan Yu بالدفاع هذه من ديانتهم و اعتقد الرواية ذكرت الشي هذا, بس هم يعبدونه عشان قوته و عشان صفته هذه, انه كان يحترم النساء مع انه تاريخيا كان يبي يتزوج وحدة متزوجة ههههه

بخصوص دور الامبراطور مع Cao Cao, ما ادري تتكلم عن شنو و يا ليت تفاصيل اكثر. على فكرة في موضوع للفيلم بقسم الترفيه لو تنقل النقاش عنه بالموضوع اكون شاكر لك اخوي الظبياني.

موضوع مميز

_ من المستحيل فوز Guan yu في معركة Fan Castle، فCao Cao بعث المساعدات لCao Ren، و لا تنسى تدخل قوات Wu في المعركة، و لكن حتى لو انتصر، فلن يتبظل شيئ لأن Guan yu لا يجيد تسيير المدن.
_ من المستحيل أن يحدث ذلك لأن ليو باي ليس له أي علاقة بالسياسة في ذلك الوقت.
_ و من المستحيل أيضا أن ينظم ليو باي إلى Zhang Jiao في ثورته لأن ليو باي مع الهان و ليس ضدها.
_ لو لم ينقض Zhao yun الطفل Liu Chan لحدثت اضطرابات بعد موت ليو باي على من يكون خليفته، إلا إذا أوصى هو بنفسه على من سيحكم بعده، و أنا أرجح أن يكون Zhuge Liang هو الخليفة.